சேலத்தில் கஞ்சா கடத்திய வாலிபர் கைது

ஆந்திரா, ஒடிசா உள்ளிட்ட மாநிலங்களில் இருந்து சேலத்துக்கு சிலர் கஞ்சா கடத்தி வந்து விற்பனை செய்யப்படுவதாக சேலம் மாவட்ட போதைப்பொருள் தடுப்பு பிரிவு போலீசாருக்கு தகவல் கிடைத்தது. அதன்பேரில் போலீஸ் இன்ஸ்பெக்டர் பாபு சுரேஷ்குமார் தலைமையில் போலீசார் தாதகாப்பட்டி பகுதியில் நேற்று முன்தினம் வாகன தணிக்கையில் ஈடுபட்டனர்.

அப்போது அந்த வழியாக மோட்டார் சைக்கிளில் வந்த ஒருவரை பிடித்து விசாரணை நடத்தினர். அதில் அவர் தாதகாப்பட்டியை சேர்ந்த மதன் (வயது 29) என்பது தெரியவந்தது. மேலும் மோட்டார் சைக்கிளில் 1½ கிலோ கஞ்சா கடத்தி வந்ததும் கண்டுபிடிக்கப்பட்டது. இதையடுத்து அவரை போலீசார் கைது செய்தனர். அவரிடம் இருந்து கஞ்சா மற்றும் மோட்டார் சைக்கிள் பறிமுதல் செய்யப்பட்டது.