பாம்பு கடித்து வாலிபர் உயிரிழப்பு

திருச்சி மாவட்டம் முசிறி அருகே பணந தோப்பு அழகப்பட்டி ரோட்டைச் சேர்ந்தவர் 38 வயதான ராஜா. இவர் வீட்டின் எதிரே நகராட்சிக்கு சொந்தமான தண்ணீர் தொட்டி உள்ளது. கடந்த 10 ம் தேதி இரவு தண்ணீர் பிடிப்பதற்காக தண்ணீர் தொட்டிக்கு சென்றுள்ளார். அப்போது அவரை பாம்பு கடித்துள்ளது. உடனே அவரை மீட்டு சிகிச்சைக்காக முசிறி அரசு மருத்துவமனைக்கு கொண்டு சென்றனர். அங்கு முதலுதவி சிகிச்சை அளிக்கப்பட்டு பின்னர் மேல் சிகிச்சைக்காக திருச்சி அரசு மருத்துவமனைக்கு கொண்டு சென்றனர். அங்கு பரிசோதனை செய்த மருத்துவர்கள் அவர் உயிரிழந்து விட்டார் என கூறினார். செல்லும் வழியிலேயே பரிதாபமாக உயிரிழந்தார். இச்சம்பவம் குறித்து அவரது மனைவி கொடுத்த புகாரின் பேரில் முசிறி போலீசார் வழக்கு பதிவு செய்து விசாரணை செய்து வருகின்றனர்.