ஸ்ரீ விநாயகர்,ஸ்ரீ மகா மாரியம்மன் கோவில் கும்பாபிஷேக விழா

செட்டிபாளையத்தில் அருள்மிகு ஸ்ரீ விநாயகர், ஸ்ரீ மகா மாரியம்மன் கோவில் கும்பாபிஷேக விழா நடைபெற்றது. கரூர் மாவட்டம், மண்மங்கலம் தாலுக்கா, அப்பிபாளையம் ஊராட்சியில் உள்ள செட்டிபாளையம் CRN நகரில், புதிதாக கட்டப்பட்ட அருள்மிகு ஸ்ரீ விநாயகர், அருள்மிகு ஸ்ரீ மகா மாரியம்மன் கோவில் கும்பாபிஷேக விழா விமர்சையாக நடைபெற்றது. கும்பாபிஷேக விழாவை முன்னிட்டு அதிகாலையில், விக்னேஸ்வர பூஜை, கலச பூஜை, இரண்டாம் கால யாக பூஜை, விநாயகர் மூல மந்திரம், ஹோமங்கள், மஹா மாரியம்மன் மூல மந்திரம், நாடி சந்தானம், மஹா தீபாரதனை நடைபெற்று புனித கலசங்கள் புறப்பாடு நடைபெற்றது. இதனைத் தொடர்ந்து சிவாச்சாரியார் புனித நீரை கோவில் விமான கலசத்தில் ஊற்றி கும்பாபிஷேக விழாவை நடத்தி, மகா தீபாதாரணையும் நடைபெற்றது. இந்த நிகழ்ச்சியில் அப்பிபாளையம் ஊராட்சி மன்ற தலைவர் பிச்சையம்மாள் சுப்பிரமணி, ஊர் கொத்துக்காரர் சுப்பிரமணி, பொன் சங்கர் டிரான்ஸ்போர்ட் உரிமையாளர் பாலசுப்பிரமணி உள்ளிட்ட ஊர் பொதுமக்கள், பக்தர்கள் என ஏராளமானோர் கலந்து கொண்டனர். நிகழ்ச்சியில் பங்கேற்ற அனைவருக்கும் அன்னதானம் வழங்கப்பட்டது.