திருவள்ளுவர் சிலைக்கு காவி துண்டு அணிவித்து புகைபடம் எடுத்த பாஜகவினர்

கோவையில் பிரதமர் நரேந்திர மோடி பங்கேற்கும் ரோடு ஷோ நிகழ்வு இன்று மாலை நடைபெற உள்ளது. சாய்பாபா கோவில் அருகே துவங்கும் இந்த ரோடு ஷோ வடகோவை, சிந்தாமணி வழியாக ஆர்.எஸ்.புரம் பகுதியில் நிறைவடைகின்றது.

இந்நிலையில் ரோடு ஷோ நடைபெறும் 2.5 கிலோமீட்டர் தூரத்தில் ஆங்காங்கே மேடைகள் அமைக்கப்பட்டு பல்வேறு கலைநிகழ்ச்சிகள் நடத்தப்படுவதுடன், மத்திய அரசின் திட்டங்கள் காட்சி படுத்தப்பட்டுள்ளது. இந்நிலையில் சிந்தாமணி அருகே குஜராத் சமாஜ் முன்பாக திருவள்ளுவர் சிலை ஒரு மேடையில் வைக்கப்பட்டுள்ளது.

அந்த திருவள்ளுவர் சிலைக்கு காவி துண்டு அணிவித்த பாஜகவினர் அந்த சிலை அருகில் நின்று புகைபடம் எடுத்து கொள்கின்றனர். இதே போல் ஒவ்வொரு மேடையிலும் பல்வேறு கலை நிகழ்ச்சிகள் நடத்தப்படுகின்றது.