குறிஞ்சிப்பாடி அருகே ஹான்ஸ் வைத்திருந்தவர் கைது

கடலூர் மாவட்டம் குறிஞ்சிப்பாடி அருகே உள்ள மீனாட்சி பேட்டை கிராமத்தில் குறிஞ்சிப்பாடி எஸ்ஐ புஷ்பராஜ் தலைமையில் எஸ் எஸ் ஐ இளங்கோவன், முருகன் ஆகிய போலீசார் வாகன சோதனையில் ஈடுபட்டனர். அப்போது அவ்வழியாக மூட்டைகளை தூக்கிக் கொண்டு வந்த நபரை சந்தேகத்தின் பேரில் சோதனை செய்தனர். அதில் தமிழக அரசால் தடை செய்யப்பட்ட ஹான்ஸ், குட்கா, பான் மசாலா உள்ளிட்ட புகையிலை போதை பொருட்கள் இருப்பது தெரியவந்தது. பின்னர் வாலிபரை காவல் நிலையம் அழைத்துச் சென்று விசாரணை மேற்கொண்டனர். விசாரணையில் மீனாட்சிப்பேட்டை திரௌபதி அம்மன் கோவில் தெருவைச் சேர்ந்த பன்னீர்செல்வம் மகன் சக்திவேல் 43 என்பதும் பெங்களூரில் இருந்து ரயில் மூலமாக மொத்தமாக வாங்கி வந்து விற்பனை செய்து வருவது தெரிய வந்தது. இதையடுத்து குறிஞ்சிப்பாடி போலீசார் வழக்கு பதிந்து கைது செய்து அவரிடமிருந்து ஒரு லட்சம் மதிப்பிலான ஹான்ஸ், குட்கா, பான் மசாலா உள்ளிட்ட புகையிலை போதைப்பொருட்களை பறிமுதல் செய்தனர்.