சாலையில் மண்ணை சுத்தம் செய்யும் காவலர்... இணையத்தில் வைரல்!

கோவையில் கடந்த சில தினங்களாக பெய்த மழை காரணமாக சாலை ஓரங்களில் மண் குவியல்கள் ஏற்பட்டது. இதனால் வாகனங்கள் செல்லும்போது மண் காற்றில் பறப்பதின் காரணமாக இருசக்கர வாகனத்தில் செல்லும் வாகன ஓட்டிகள் பெரிதும் பாதிப்புக்கு உள்ளாகினர்.

இந்நிலையில் போக்குவரத்து அதிகம் உள்ள வடகோவை பகுதியில் பணியில் இருந்த போக்குவரத்து காவலர் ஒருவர் சாலையில் தேங்கி உள்ள மண் குவியல்களை சுத்தம் செய்து அப்புறபடுத்தி உள்ளார்.

இதனை அவ்வழியாக சென்ற ஒருவர் புகைப்படம் எடுத்து இணையத்தில் பகிர்ந்த நிலையில் தற்போது இந்த படங்கள் சமூக இணையத்தில் வைரலாகி வருகிறது.மேலும் காவலரின் இந்த செயலுக்கு பாராட்டு குவிந்து வருகிறது.