டிடிவி தினகரனுக்கு ஆதரவாக தேனி எம்பி ஓ பி ரவீந்திரநாத் பிரச்சாரம்

ஒ.பி ரவீந்திரநாத்தின் தேனி தொகுதியை தட்டிப் பறிப்பது தவறு என நினைத்திருந்தேன். ஆனால் அவர் என்னிடத்தில் தேனி தொகுதியில் போட்டியிட கூறினார் என பிரச்சாரக் கூட்டத்தில் டிடிவி தினகரன் பேச்சு. நாடாளுமன்ற தேர்தலுக்கான தேனி தொகுதியில் போட்டியிடும் டிடிவி தினகரன் போடி மற்றும் கம்பம் சட்டமன்ற தொகுதிக்குட்பட்ட பகுதிகளில் பிரச்சாரத்தில் ஈடுபட்டார். போடிநாயக்கனூர், தர்மத்துப்பட்டி, சிலமலை, இராசிங்கபுரம், தேவாரம் உள்ளிட்ட பகுதிகளில் உள்ள பொதுமக்களிடம் குக்கர் சின்னத்தில் வாக்களிக்கும் படி நின்ற வேனில் பிரச்சாரம் செய்தார்.  தேவாரம் பகுதியில் பிரச்சாரத்தில் தேவாரம் பகுதியில் பிரச்சாரத்தில் ஈடுபட்டிருந்த டிடிவி தினகரனுக்கு ஆதரவாக தேனி எம்பி ஓ பி ரவீந்திரநாத் பிரச்சாரத்தில் ஈடுபட்டார்.  டிடிவி தினகரனுக்கு மாலை அணிவித்து குக்கர் சின்னத்தை பொதுமக்களிடம் காட்டி டிடிவி தினகரனுக்கு ஆதரவாக பிரச்சாரம் செய்தார்.  பின்னர் பிரச்சாரத்தில் பேசிய டிடிவி தினகரன் ரவீந்திரநாத் எம்பியாக இருந்த தொகுதியை தான் தட்டி பறிப்பது தவறு என்று நினைத்திருந்தேன். ஆனால் அம்மாவின் பிறந்த நாள் பொதுக்கூட்டத்தில் அவர் என்னிடம் நீங்கள் தான் இந்த தொகுதியில் போட்டியிட வேண்டும் என கூறி என்னை அழைத்தார் என்று கூறினார். பின்னர் பிரச்சாரத்தில் பேசிய ஓபி ரவீந்திரநாத் 20 ஆண்டுகளுக்குப் பிறகு தேனீ தொகுதியில் டிடிவி தினகரன் போட்டியிடுகிறார் என்னை எப்படி வெற்றி பெற வைத்தீர்களோ அதே போல் டிடிவி தினகரன் வெற்றி பெற வைக்க வேண்டும் என பொது மக்களிடம் கேட்டுக் கொண்டு பிரச்சாரத்தில் ஈடுபட்டார்.