திட்டச்சேரி சம்சுன்னஹார் தனியார் பள்ளியில் ஆண்டு விழா

நாகை மாவட்டம் திட்டச்சேரி சம்சுன்னஹார் தனியார் பள்ளியில் ஆண்டு விழா நாகை மாவட்டம் திட்டச்சேரியில் சம்சுன்னஹார் நர்சரி மற்றும் ஆரம்ப பள்ளி உள்ளது.இந்த பள்ளியில் நேற்று முன்தினம் ஆண்டு விழா நடைபெற்றது.

விழாவிற்கு பள்ளியின் பெற்றோர் ஆசிரியர் கழக தலைவர் ரவிச்சந்திரன் தலைமை தாங்கினார்.பேரூராட்சி மன்ற துணைத் தலைவர் நர்கீஸ் பானு முன்னிலை வகித்தார்.பள்ளியின் தாளாளர் முயீனுத்தீன் வரவேற்றார்.இதில் திட்டச்சேரி இந்தியன் வங்கியின் மூத்த மேலாளர் விஜி,பேரூராட்சி மன்ற தலைவர் ஆயிஷா சித்திக்கா ஆகியோர் வாழ்த்துரை வழங்கினர்.மாவட்ட கல்வி அலுவலர் (தனியார் பள்ளிகள்) சுந்தர்,நாகப்பட்டினம் மாவட்ட துணை போலீஸ் சூப்பிரண்டு பாலகிருஷ்ணன் ஆகியோர் பல்வேறு போட்டிகளில் வெற்றி பெற்ற மாணவ மாணவியர்களுக்கு பரிசுகள் வழங்கினர்.

முடிவில் பள்ளியின் தலைமை ஆசிரியர் நபிசத்துல் பஜ்ரியா நன்றி கூறினார்.