அரிவாளைக் காட்டி கொலை மிரட்டல்: விவசாயி கைது

கயத்தாறு அருகே அரிவாளைக் காட்டி முதியருக்கு கொலை மிரட்டல் விடுத்த விவசாயியை போலீசார் கைது செய்தனர். 

இதுகுறித்து போலீஸ் தரப்பில் கூறப்படுவதாவது : தூத்துக்குடி மாவட்டம், கயத்தாறையடுத்த அகிலாண்டபுரம் பத்திரகாளியம்மன் கோயில் தெருவைச் சோ்ந்தவா் முத்தையா மகன் முருகேசன்(70). இவருக்கும், அதே பகுதியைச் சோ்ந்த பரமசிவம் மகன் விவசாயி கிருஷ்ணமூா்த்திக்கும்(38) இடையே முன்விரோதம் இருந்து வந்ததாகக் கூறப்படுகிறது. 

இந்நிலையில் நேற்று முருகேசன் ஆட்டுக்காக அகத்திக்குலையை ஒடித்து தோட்டத்தில் வைத்துவிட்டு, வேலை பாா்த்துக் கொண்டிருந்தாராம். அப்போது அங்கு வந்த கிருஷ்ணமூா்த்தி, அகத்திக்குலையை எடுத்துச் சென்றுவிட்டாராம்.

இதையடுத்து முருகேசனும், அதே ஊரைச் சோ்ந்த சண்முகையாவும் கேட்டதற்கு, அவர் முருகேசனை அவதூறாகப் பேசி அரிவாளை எடுத்து தாக்க முயன்றாராம்.  அதைக் கண்ட அக்கம்பக்கத்தினா் கண்டித்ததையடுத்து, கிருஷ்ணமூா்த்தி கொலை மிரட்டல் விடுத்துவிட்டு தப்பியோடிவிட்டாராம்.

இதுகுறித்து முருகேசன் அளித்த புகாரின் பேரில், கயத்தாறு போலீஸாா் வழக்குப் பதிந்து, கிருஷ்ணமூா்த்தியை கைது செய்தனா்.