விபத்தில் மூன்று பேர் காயம்

புதுக்கோட்டை மாவட்டம் திருமயம் காவல் நிலைய எல்லைக்குட்பட்ட மழைகுடிப்பட்டி கிராமத்தில் உள்ள தனியார் பெட்ரோல் பங்க் அருகே சென்னையில் இருந்து சிவகங்கை மாவட்டம் திருப்பத்தூருக்கு தனது இல்லத்திற்கு காரில் சென்னையைச் சேர்ந்த கணேசன் என்பவர் வந்துள்ளார். அவர் ஓட்டி வந்த கார் மீது புதுக்கோட்டை திருக்கோகர்ணம் பகுதியைச் சேர்ந்த முத்துக்குமார் என்பவர் ஓட்டி வந்த கார் எதிர்பாராத விதமாக மோதி விபத்து ஏற்பட்டது. இந்த விபத்தில் கணேசனின் மனைவி ராதா, மகள் வைஷ்ணவி, உறவினர் சாரதா ஆகிய மூன்று பெண்கள் காயம் அடைந்தனர். இதையடுத்து அவர்கள் உடனடியாக திருமயம் அரசு மருத்துவமனையில் சிகிச்சைக்காக அனுமதிக்கப்பட்டனர். இந்த விபத்து குறித்து திருமயம் காவல்துறையினர் வழக்கு பதிந்து விசாரணை மேற்கொண்டு வருகின்றனர்.