திருத்தணி அருகே பைக் விபத்தில் வியாபாரி பலி

திருத்தணி அடுத்த வி.சி.ஆர். கண்டிகை கிராமத்தைச் சேர்ந்தவர் கார்திக், 25. இவர் சென்னை, திருவள்ளூர் மற்றும் காஞ்சிபுரம் ஆகிய பகுதிகளில் பனை ஓலை விசிறிகளை விற்பனை செய்து வந்தார். நேற்று முன்தினம் இரு சக்கர வாகனத்தில் வி.சி.ஆர்.,கண்டிகை கிராமத்தில் இருந்து திருத்தணி நோக்கி வந்துக் கொண்டிருந்தார். அகூர் பேருந்து நிறுத்தம் அருகே வந்தபோது இரு சக்கர வாகனம் சாலையோரம் உள்ள ஒரு மரத்தின் மீது மோதி விபத்துக்குள்ளானது. இதில் பலத்த காயமடைந்த அவரை அவ்வழியாக சென்றவர்கள் மீட்டு, 108 ஆம்புலன்ஸ் வாகனம் மூலம் திருத்தணி அரசு மருத்துவமனையில் சேர்த்தனர். பின் சென்னை அரசு மருத்துவமனையில் சேர்க்கப்பட்டார். அங்கு நேற்று அதிகாலையில் இறந்தார். திருத்தணி போலீசார் வழக்கு பதிந்து விசாரித்து வருகின்றனர்.