திட்டப்பணிகளால் ராசிபுரத்தில் போக்குவரத்து நெரிசல்

நாமக்கல் மாவட்டம் ராசிபுரம் பகுதியில் கடந்த சில நாட்களாக பழைய பஸ் நிலையம் பகுதியில் இருந்து புதிய பஸ் நிலையம் செல்லும் ஆத்தூர் சாலையில் நகராட்சி பாதாள சாக்கடை பணிகள், மின்வாரியம் சார்பில் சாலையோர மின்கம்பம் சீரமைப்பு பணிகள், குடிநீர் திட்ட பணிகள் நடைபெற்று வருகிறது. இதனால் பொதுமக்கள் வாகன ஓட்டிகள் மாற்று பாதையில் சென்று வருகின்றனர். இதனால் சின்ன கடைவீதி, பெரிய கடை வீதி பகுதியில் போக்குவரத்து நெரிசல் அதிகமாக காணப்படுகிறது. இப்பணிகளை விரைந்து முடிக்க வேண்டும் என பொதுமக்கள் கோரிக்கை விடுத்துள்ளனர்.