வீட்டின் பூட்டை உடைத்து நகை திருடிய இருவர் கைது

திருப்பத்தூர் மாவட்டம், வாணியம்பாடி நகர் பகுதியில் வாணியம்பாடி நகர காவல்துறையினர் ரோந்து பணியில் ஈடுபட்டுக் கொண்டிருந்த போது, அவ்வழியாக சந்தேகத்திற்கிடமாக இடமாக சுற்றித் திரிந்த இருவரை பிடித்து காவலர்கள் விசாரித்த போது, அவர்கள் உதயேந்திரம் பகுதியைச் சேர்ந்த சுபேல், மற்றும் பாரத் நகர் பகுதியைச் சேர்ந்த சையத் பாஷா என்பதும், மேலும் அவர்கள் ஜீவா நகர் பகுதியைச் சேர்ந்த அப்பாஸ்அலி என்பவர் வீட்டில், பூட்டை உடைத்து 3 கிராம் தங்க நகையும், 150 கிராம் வெள்ளி நகையும், கொள்ளையடித்தது தெரிய வந்தது அதனை தொடர்ந்து இருவரையும் கைது செய்த காவல்துறையினர் அவர்களை வாணியம்பாடி நகர காவல்நிலையத்திற்கு அழைத்து வந்து அவர்கள் மீது வழக்குபதிவு செய்து, அவர்களிடமிருந்து நகையை மீட்டு, உரியவரிடம் ஒப்படைத்தனர்.. அதனை தொடர்ந்து இருவரையும் வாணியம்பாடி நீதிமன்றத்தில் ஆஜர் படுத்தி, பின்பு சிறையில் அடைத்தனர்.