சாலை விபத்தில் 2 பேர் படுகாயம்
புதுக்கோட்டை மாவட்டம்,கொன்னையம்பட்டி பகுதியில் விபத்தில் இருவர் படுகாயமடைந்த சம்பவம் குறித்து காவல்துறையினர் விசாரணை நடத்தி வருகின்றனர்.
Update: 2024-05-22 07:13 GMT
விபத்தில் படுகாயம்
பொன்னமராவதி அருகே கொன்னையம்பட்டியை சேர்ந்தவர் ஆண்டி(70). விவசாயி. நேற்று காரையூர் சடையம்பட்டி சாலையில் சைக்கிளில் சென்றபோது, பாறைக்குளம் பிரிவு சாலை அருகே பின்னால் வந்த இருசக்கர வாகனம் எதிர்பாராதவிதமாக மோதியது. இதில், ஆண்டி, இருசக்கர வாகனத்தில் வந்த நமணசமுத்திரத்தை சேர்ந்த அடைக்கலம்(23) ஆகிய இரு வருக்கும் தலையில் பலத்த காயம் ஏற்பட்டது.
இருவரும் புதுக்கோட்டை அரசு மருத்துவக்கல்லுாரி மருத்துவமனை யில் அனுமதிக்கப்பட்டனர். இதுகுறித்து காரையூர் போலீசார் வழக்குப்பதிந்து விசாரணை நடத்தி வருகின்றனர்.