இருசக்கர வாகனம் திருட்டு : வாலிபர் கைது

தூத்துக்குடி அருகேயுள்ள குலையன்கரிசல் கிராமத்தை சேர்ந்தவர் மன்மதன் (19). இவர் தூத்துக்குடி துறைமுகத்தில் கிரேன் டெக்னீஷியனாக வேலை பார்த்து வருகிறார். கடந்த சில தினங்களுக்கு முன் கிரீன் கேட் அருகே நிறுத்தியிருந்த அவரது இருசக்கர வாகனம் திருடுபோய்விட்டது.

இதுகுறித்து மன்மதன் தெர்மல் நகர் காவல் நிலையத்தில் புகார் செய்தார். போலீசார் வழக்குப் பதிந்து விசாரணை நடத்தினர். இதில் முத்தையாபுரம் சுந்தர் நகரைச் சேர்ந்த மகராஜா (19) என்பவரை கைது செய்தார். அவரிடமிருந்து ஒரு லட்சம் மதிப்பிலான பைக்கை போலீசார் பறிமுதல் செய்தனர். மேலும் இச்சம்பவத்தில் தொடர்புடைய மற்றொருவரை போலீசார் தேடி வருகின்றனர்.