உத்திரமேரூர் ஓன்றியங்களில் உதயநிதி ஸ்டாலின் பிறந்தநாள் விழா

காஞ்சிபுரம் மாவட்டம் உத்திரமேரூர், சாலவாக்கம் பகுதியில் காஞ்சிபுரம் தெற்கு மாவட்டம் திமுக சார்பில் தமிழ்நாடு இளைஞர் நலன் மற்றும் விளையாட்டு துறை அமைச்சரும், திமுக இளைஞர் அணி செயலாளருமான உதயநிதி ஸ்டாலினின்   46 வது பிறந்தநாள் விழா முன்னிட்டு 46 கிலோ எடையுள்ள பிரமாண்டமான கேக் வெட்டி பொதுமக்களுக்கு வழங்கும் நிகழ்ச்சி ஒன்றிய செயலாளர்கள், ஞானசேகரன், குமார் தலைமையிலும், உத்திரமேரூர் பேரூராட்சி மன்ற தலைவர் சசிகுமார், சாலவாக்கம் ஊராட்சி மன்ற தலைவர் சத்யா சக்திவேல் முன்னிலையிலும் நடைப்பெற்றது. இந்நிகழ்ச்சியில் சிறப்பு அழைப்பாளராக திமுக காஞ்சிபுரம் தெற்கு மாவட்ட செயலாளரும், உத்திரமேரூர் சட்டமன்ற உறுப்பினருமான சுந்தர் பங்கேற்று பொதுமக்களிடையே சிறப்புரை ஆற்றினார். பின்னர், பிரமாண்டமாக தயாரித்து வைக்கப்பட்டு இருந்த 46 கிலோ எடையுள்ள கேக் வெட்டி பொதுமக்களுக்கு வழங்கினார். இதில், திமுக நிர்வாகிகள் மற்றும் பொதுமக்கள் ஏராளமானோர் கலந்து கொண்டனர்.