உதயநிதி பிறந்த நாள் - குமாரபாளையத்தில் தி.மு.கவினர் கொண்டாட்டம்

நாமக்கல் மாவட்டம் குமாரபாளையம் தி.மு.க. சார்பில் உதயநிதி ஸ்டாலின் பிறந்த நாள் கொண்டாடப்பட்டது. தி.மு.க இளைஞரணி செயலாளர் தமிழ்நாடு இளைஞர் நலன் மற்றும் விளையாட்டு மேம்பாட்டு துறை அமைச்சர் உதயநிதி ஸ்டாலின் பிறந்த நாளையொட்டி, குமாரபாளையம் வடக்கு நகர தி.மு.க சார்பில், கொடியேற்று விழா, பள்ளி மாணவ மாணவிகளுக்கு எழுது பொருள் வழங்கும் விழா, மரக்கன்றுகள் நடுவிழா ஆகிய முப்பெரும் விழா   நடந்தது.

குமாரபாளையம் பஸ் நிலையம் அருகில் உள்ள  கொடி கம்பத்தில், 14வது வார்டு செயலாளர் விஸ்வநாதன் மற்றும் ஆட்டோ சங்கத் தலைவர் வெங்கடேசன் தலைமையில், கொடியேற்று விழா நடந்தது. நகர வடக்கு செயலர், நகராட்சி தலைவர் விஜய்கண்ணன்  கட்சிக்கொடியேற்றி வைத்து இனிப்புகள் வழங்கினார். ஜே.கே.கே.நடராஜ நகர் நகராட்சி துவக்கப்பள்ளியில், பள்ளி குழந்தைகளுக்கு இனிப்பு மற்றும் நோட்டு உள்ளிட்ட எழுது பொருட்கள் வழங்கினார். கவுன்சிலர் ராஜ்  முன்னிலையில்  460 மரக்கன்றுகள் நடும் நிகழ்ச்சியை விஜய்கண்ணன் துவக்கி வைத்தார். இதில்  தலைமை செயற்குழு உறுப்பினர் செல்வராஜ் உள்ளிட்ட நிர்வாகிகள் பலரும் பங்கேற்றனர்.