பல்திறன் போட்டியில் அசத்திய மழலைகள்

நாமக்கல் மாவட்டம் குமாரபாளையம் எக்ஸல் பப்ளிக் பள்ளியில், குழந்தைகளுக்கான அறிவுத்திறனை வெளிப்படுத்தும் வகையில் ,நடனம், திருக்குறள் வாசித்தல் ,கட்டுரைப் போட்டி, ஓவியப்போட்டி, மாறுவேட போட்டி, நினைவாற்றல், விளையாட்டு , கலைத்திறமையை வெளிப்படுத்துதல் உள்ளிட்ட பல்வேறு போட்டிகள் பள்ளி அரங்கத்தில் நடைபெற்றது. எக்ஸெல் கல்வி நிறுவனங்களின் தலைவர் ஏ.கே.நடேசன், துணைத்தலைவர் என்.மதன் கார்த்திக்,, எக்ஸல் கல்வி நிறுவன நிர்வாக அறங்காவலர் என்.பார்வதி, பப்ளிக் பள்ளியின் இயக்குனர் எம்.கவியரசி, முதல்வர் கோர்சிகா ஆகியோர் நிகழ்வுக்கு வருகை தந்த பள்ளிக் குழந்தைகள் மற்றும் பெற்றோரை வரவேற்று பேசினர்.காலை துவங்கி மாலை வரை நடைபெற்ற நிகழ்வில் நிகழ்வில் 400-க்கும் மேற்பட்ட குழந்தைகள் தங்கள் பெற்றோருடன் வருகை தந்து, பல்வேறு போட்டிகளில் பங்கேற்று சிறப்பு பரிசுகள் பெற்றனர். நிகழ்வுக்கான ஏற்பாடுகளை பப்ளிக் பள்ளியின் ஆசிரியர்கள் நிர்வாக அதிகாரிகள் அலுவலர்கள் என பலர் ஒருங்கிணைந்து செய்திருந்தனர்.