வாணியம்பாடி : பாஜகவில் இணைந்த அதிமுகவினர்

திருப்பத்தூர் மாவட்டம் வாணியம்பாடி நகர அதிமுக எம்.ஜி.ஆர் இளைஞர் அணி செயலாளர் தலைமையில் 150 பேர் பாஜகவில் இணைந்தனர். திருப்பத்தூர் மாவட்டம் வாணியம்பாடி நகர அதிமுக எம்.ஜி.ஆர் இளைஞரணி செயலாளரும் முன்னாள் நகர மன்ற துணைத் தலைவருமான வி.வேலு தலைமையில் 150 பேர் பல்வேறு கட்சிகளில் இருந்து விலகி பாஜகவில் இணைந்தனர். முன்னதாக பெருமாள்பேட்டை கூட்டு சாலை பகுதியில் உள்ள பஞ்சமுக விநாயகர் கோயிலில் இருந்து பாஜக அலுவலகம் வரை மேளதாளங்கள் உடன் ஊர்வலமாக சென்று பாஜக மாநில செயலாளர் கோ.வெங்கடேசன் மற்றும் மாவட்ட தலைவர் வாசுதேவன் ஆகியோர் முன்னிலையில் பாஜகவில் இணைந்தனர். புதியதாக கட்சியில் இணைந்த வேலு உள்ளிட்டவர்களுக்கு பாஜகவினர் சால்வை அணிவித்து வரவேற்றனர்.