விஜய் கட்சி பெயர் வெளியீடு; பட்டாசு வெடித்து கொண்டாடிய ரசிகர்கள்

தமிழகத்தில் கடந்த சில மாதங்களாகவே நடிகர் தளபதி விஜய் அவர்கள் அரசியலில் இறங்கப்போவதாக தகவல் வந்து கொண்டிருந்தது. அதனை உறுதிபடுத்தும் விதமாக விஜய் மக்கள் இயக்கம் சார்பில் தமிழகம் முழுவதும் விஜய் மற்றும் அவரது ரசிகர்கள் பொதுமக்களுக்கு பல்வேறு நலத்திட்ட உதவிகளை செய்து வந்த நிலையில் இன்று தளபதி விஜய் அவர்கள் தமிழக வெற்றிக் கழகம் என்று தனது கட்சி பெயரை அறிவித்தார். விஜய் அவர்கள் கட்சி பெயரை அறிவித்ததை அடுத்து தமிழகம் முழுவதும் உள்ள அவரது ரசிகர்கள் பட்டாசுகள் வெடித்தும், பொதுமக்களுக்கு இனிப்புகள் வழங்கியும் தங்களது மகிழ்ச்சியை வெளிப்படுத்தி வருகின்றனர்.

அதனையொட்டி இன்று விருதுநகர் பழைய பேருந்து நிலையம் முன்பு கிழக்கு மாவட்ட தலைவர் செல்வம் தலைமையில் அவரது ரசிகர்கள் ஏராளமானோர் கலந்து கொண்டு தங்களது மகிழ்ச்சியை வெளிப்படுத்தும் விதமாக பட்டாசுகள் வெடித்தும், பொதுமக்களுக்கு இனிப்புகள் வழங்கியும் தங்களது சந்தோஷத்தை வெளிப்படுத்தினர்