கைப்பந்து போட்டியில் விழுப்புரம் அரசு கல்லூரி அணி வெற்றி

அண்ணாமலை பல்கலைக்கழகத்தின் மண்டலங்களுக்கு இடையே யான ஆண்களுக்கான கைப்பந்து போட்டி விழுப்புரம் அறிஞர் அண்ணா அரசு கலை அறிவியல் கல்லூரியில் நடைபெற்றது. இப் போட்டியின் தொடக்க விழாவிற்கு கல்லூரி முதல்வர் சிவக்குமார் தலைமை தாங்கினார். அண்ணாமலை பல்கலைக்கழக இணை இயக்குனர் வெங்கடாஜலபதி முன்னிலை வகித்தார். இயற்பியல் துறை பேராசிரியர் சேட்டு அனைவரையும் வரவேற்றார். இதில் துறைத்தலைவர்கள், பேராசிரியர்கள் பலர் கலந்துகொண்டனர். இந்த போட்டில் 5 அணிகள் பங்கேற்றன. இதன் இறுதிப்போட்டி யில் சிதம்பரம் அண்ணாமலை பல்கலைக்கழக உடற்கல்வித்துறை அணியும், விழுப்புரம் அறிஞர் அண்ணா அரசு கலைக்கல்லூரி அணியும் மோதின. இதில் விழுப்புரம் அரசு கலைக்கல்லூரி அணி வெற்றி பெற்றது. இதையடுத்து வெற்றி பெற்ற அணி வீரர்களுக்கு மாவட்ட விளையாட்டு அலுவலர் ஜெயக்குமாரி பரிசு வழங்கி பாராட்டினார். அப்போது உடற்கல்வி இயக்குனர் ஜோதிப்பிரியா உடனிருந்தார்.