விழுப்புரம் : வீட்டிற்குள் புகுந்த நல்லப்பாம்பு மீட்பு

விழுப்புரம் வண்டிமேடு தென்றல் தெருவில் வசித்து வருபவர் சிவா. இவருடைய வீட்டின் முன்புற நுழைவுவாயில் பகுதியில் கார் நிறுத்தும் இடத்தின் அருகில் 2 அடி நல்லப்பாம்பு ஒன்று இருந்தது. இதைப் பார்த்ததும் அங்கிருந்தவர்கள் அலறியடித்துக் கொண்டு ஓட்டம் பிடித்தனர். பின்னர் இதுபற்றி சிவா, விழுப்புரம் தீயணைப்புத்துறையினருக்கு தகவல் தெரிவித்தார். தகவலின்பேரில் தீயணைப்புத்துறையினர் அங்கு விரைந்து சென்று அந்த பாம்பை உயிருடன் பிடித்து காட்டுப்பகுதியில் விட்டனர். மேலும் அப்பகுதியில் உள்ள காலியிடத்தில் முட்புதர்கள் சூழ்ந்து காணப்படுவதால் அடிக்கடி பாம்புகள் நடமாட்டம் இருப்பதால் சிறுவர், சிறுமிகள், பொதுமக்கள் மிகவும் அச்சத்தில் உள்ளனர். எனவே பாம்புகளை பிடித்து காட்டுப்பகுதியில் விட தீயணைப்புத்து றையினர் விரைந்து நடவடிக்கை எடுக்க வேண்டுமென அப்பகுதி மக்கள் கோரிக்கை விடுத்துள்ளனர்.