விழுப்புரம் - திருப்பதி எக்ஸ்பிரஸ் ரயில் போக்குவரத்து மாற்றம்.

தெற்கு மத்திய ரயில்வேயின் குண்டக்கல் கோட்டத்துக்குட்பட்ட பகுதிகளில் பொறியியல் பணிகள் மேற்கொள்ளப்படுகின்றன. இப்பணிகள் காரணமாக, விழுப்புரத்தில் இருந்து அதிகாலை 5.35 மணிக்கு புறப்படும் விழுப்புரம்-திருப்பதி முன்பதிவில்லா எக்ஸ்பி,ரஸ் ரயில் (வண்டி எண் 16854) காட்பாடி -திருப்பதி இடையே வருகிற 17-ந் தேதி வரை பகுதியளவில் ரத்து செய்யப்பட்டுள்ளது.

இந்த ரயில் காட்பாடியுடன் நிறுத்தப்படும். இதேபோல் மறுமார்க்கத்தில் திருப்பதியில் இருந்து பிற்பகல் 1.40 மணிக்கு புறப்படும் திருப்பதி- விழுப்புரம் முன்பதிவில்லா எக்ஸ்பிரஸ் ரயில் (வண்டி எண் 16853) திருப்பதி- காட்பாடி இடையே வருகிற 17-ந் தேதி வரை பகுதியளவில் ரத்து செய்யப்பட்டுள்ளது.

இந்த ரெயில் காட்பாடி ரயில் நிலையத்திலிருந்து மாலை 4.30 மணிக்கு விழுப்புரம் புறப்படும், இந்த தகவல் திருச்சி கோட்ட ரெயில்வே மக்கள் தொடர்பு அலுவலகம் வெளியிட்டுள்ள செய்திக்குறிப்பில் கூறப்பட்டுள்ளது.