விழுப்புரத்தில் லாரி மோதி சிக்னல் கம்பம் சேதம் - டிரைவர் ஓட்டம்.

விழுப்புரத்தில் உள்ள நான்குமுனை சந்திப்பு வழியாக இன்று அதிகாலை சென்னை மார்க்கமாக லாரி ஒன்று சென்றது. அப்போது, டிரைவரின் கட்டுப்பாட்டை இழந்த அந்த லாரி, நான்கு முனை சந்திப்பில் திருக்கோவிலூர் மார்க்கத்தில் உள்ள போக்குவரத்து சிக்னல் கம்பம் மீது மோதி நின்றது. உடனே  லாரி டிரைவர், அங்கிருந்து தப்பி ஓடிவிட்டார். தகவல் அறிந்த விழுப்புரம் மேற்கு போலீசார் சம்பவ இடத்துக்கு விரைந்து வந்து, விபத்துக்குள்ளான லாரியை போலீஸ் நிலையம் எடுத்து சென்றனர். இதுகுறித்து போலீசார் வழக்குப்பதிவு செய்து விசாரணை மேற்கொண்டு வருகிறார்கள்.