அதிமுக - வுக்கு வாக்களியுங்கள்:  வேட்பாளர் பசிலியான் பிரச்சாரம் 

கன்னியாகுமரி பாராளுமன்ற தொகுதி அதிமுக வேட்பாளர் பசிலியான் நசரேத் குளச்சல் சட்டசபை தொகுதிக்குட்பட்ட பகுதிகளில் பிரச்சாரம் செய்தார். அவர் முளகுமூடு சந்திப்பு, வட்டார் போக்குவரத்து அலுவலக சந்திப்பு,  கோழிப்போர் விளை  உள்ளிட்ட 54 இடங்களில் நேற்று தீவிரவாக்கு சேகரிப்பில் ஈடுபட்டார். அப்போது அவர் கூறியதாவது:- உங்கள் பகுதியில் உள்ள தேவைகள், கோரிக்கைகள் நிறைவேற்ற உரிய நடவடிக்கைகள் எடுக்கப்படும். மக்களின் அடிப்படைத் தேவைகளுக்கு முன்னுரிமை கொடுக்கப்படும். வெற்றியை தருபவர்கள் நீங்கள். உங்களுக்கு பணி செய்ய தேர்தலில் அதிமுக சார்பில் போட்டியிடுகிறேன்.        இதுவரை மக்களுக்கு சொன்ன வாக்குறுதிகளை எவரும்  முறையாக நிறைவேற்ற வில்லை. சொன்ன வாக்குறுதிகளையும் சொல்லாத வாக்குறுதலையும் நிறைவேற்றுவேன். ஆட்சிப் பொறுப்பேற்று மூன்றரை ஆண்டுகளில் செய்யாத விடியா திமுக அரசு இனிமேல் எதுவும் உங்களுக்கு செய்யப் போவதில்லை. அவர்கள் ஆட்சியின் நிலையினை மக்கள் தெளிவாக புரிந்து விட்டார்கள். எனவே அதிமுகவிற்கு வாக்களித்தால் உங்கள் வாழ்க்கை சிறப்பாக இருக்கும். என்று பேசினார். அவருடன் அதிமுக நிர்வாகிகள் முன்னாள் அமைச்சர் கே டி பச்சை மால், சிவசெல்வராஜன், சேவியர் மனோகரன் உட்பட பலர் உடனிருந்தனர்.