சித்த மருத்துவ விழிப்புணர்வு ஓட்டத்துக்கு வரவேற்பு

கன்னியாகுமரியில் சித்த மருத்துவ தின கொண்டாட்டத்தின் தொடர் நிகழ்வாக மத்திய அரசின் சித்த மருத்துவ ஆராய்ச்சி மன்றமும், சென்னை தேசிய மத்திய நிறுவனமும் இணைந்து சித்த மருத்துவ ஆரோக்கிய விழிப்புணர்வு தொடர் ஓட்டம் நடைப்பெற்றது. இந்நிகழ்வு கடந்த   24-01-2024 அன்று காஷ்மீரில் மத்திய சுகாதார துறை ஆயூஷ்  அமைச்சகம் மற்றும் ஆயூஷ் அமைச்சரால் தொடக்கி வைக்கப்பட்டது.  இந்திய முழுவதும் உள்ள 21 நகரங்கள் வழியாக கடந்து 3 ஆயிரத்து 333 கி. மீ தூரம் 20 நாட்கள் பயணித்து நேற்று  10-02-2024 அன்று மாலை கன்னியாகுமரி வந்தடைந்தது. கன்னியாகுமரி வந்தடைந்த மருத்துவர்கள் மற்றும் பணியாளர்களை கன்னியாகுமரி மாவட்ட சித்த மருத்துவ அலுவலர் டாக்டர் ராபர்ட் சிங் அவர்கள் வரவேற்று பொன்னாடை போர்த்தியும், சங்கு மாலை அணிவித்தும் வாழ்த்துக்களை தெரிவித்தார்.