மெலட்டூர் அருகே மின்சாரம் தாக்கி மூதாட்டி பலி

தஞ்சை மாவட்டம், மெலட்டூர் அருகே உள்ள நெய்தலூர் கோவில் தெருவை சேர்ந்தவர் ஜெகதாம்பாள் 65 இவர் சிலருடன் சேர்ந்து வயலில் களை பறிக்க சென்றுள்ளார் அப்போது ஒரு வயலில் களை பறித்து விட்டு அடுத்த வயலுக்கு களை பறிக்க ஜெகதாம்பாள் சென்றுள்ளார்.

அப்போது வயல்வெளி வழியாக சென்ற மின்கம்பத்தில் இருந்து மின்கம்பி ஒன்று அறுந்து கிடப்பது தெரியாமல் ஜெகதாம்பாள் வயலில் இறங்கிய போது மின்சாரம் தாக்கி சம்பவ இடத்திலேயே பலியானார்.இதைபார்த்த சக தொழிலாளர்கள் சத்தம் போட்டுள்ளனர். அருகில் இருந்தவர்கள் இதுகுறித்து மின் வாரியத்திற்கும் காவல்துறைக்கும் தகவல் கொடுத்தனர் உடனடியாக மின்சாரம் துண்டிக்கப்பட்ட நிலையில் சம்பவ இடத்திற்கு,

மெலட்டூர் போலீசார் விரைந்து வந்து ஜெகதாம்பாள் உடலை மீட்டு பிரேத பரிசோதனைக்காக அய்யம்பேட்டை அரசு மருத்துவமனைக்கு அனுப்பி வைத்து விசாரணை நடத்தி வருகின்றனர். .