சாலை விபத்தில் தொழிலாளி சாவு

சேலம், கொண்டலாம்பட்டி அருகே உள்ள புத்தூர் பகுதியை சேர்ந்தவர் மெய்வேல் (வயது 45). கூலி தொழிலாளி. இவர் நேற்று முன்தினம் அதேபகுதியை சேர்ந்த கரண் (24) என்பவருடன் மோட்டார் சைக்கிளில் பனமரத்துப்பட்டிக்கு சென்று விட்டு மீண்டும் வீடு திரும்பினார். பூலாவரி கிழக்குக்காடு பிரிவு பகுதியில் வந்தபோது எதிரே வந்த மோட்டார் சைக்கிள் மீது மெய்வேல் சென்ற மோட்டார் சைக்கிள் மோதியது. இதில் தூக்கி வீசப்பட்டு மெய்வேல் படுகாயம் அடைந்தார். அக்கம் பக்கத்தினர் அவரை மீட்டு சேலம் அரசு மருத்துவமனையில் சேர்த்தனர். அங்கு சிகிச்சை பலனளிக்காமல் அவர் பரிதாபமாக உயிரிழந்தார். இந்த விபத்து குறித்து கொண்டலாம்பட்டி போலீசார் வழக்குப்பதிவு செய்து விசாரணை நடத்தி வருகின்றனர்.