உலக மாற்றுத்திறனாளிகள் தினம் - பள்ளி மாணவர்களுக்கு விழிப்புணர்வு

தமிழ்நாடு பள்ளி கல்வித்துறை உத்தரவின்படி, உலக மாற்றுத்திறனாளிகள் தினத்தை ஒட்டி பெரம்பலூர் மாவட்டத்தில் உள்ள பள்ளிகளில் நேற்று நடந்த காலை வணக்க கூட்டத்தில் மாணவ மாணவிகளுக்கு ஒற்றுமை வளர்ப்போம் என்ற தலைப்பில் உறுதிமொழி ஏற்கும் நிகழ்ச்சியும் செய்கை மொழியில் தமிழ்த்தாய் வாழ்த்து மற்றும் "சிந்தனையில் மாற்றம் சமூகத்தின் ஏற்றம்" என்ற வாசகத்தின் அடிப்படையில் பல்வேறு விதமான நிகழ்வுகள் நடத்தப்பட்டது. சிறப்பு பயிற்றுநர்கள் செய்கை மொழியில், கிழமைகள் பெயர், எண்கள் போன்றவற்றை மாணவர்களுக்கு செய்து காண்பித்தனர். மாற்றுத்திறனுடைய குழந்தைகளின் பங்கேற்புடன் உறுதி மொழியை ஏற்று மாணவ மாணவிகளுக்கு மாற்றுத்திறனாளிகள் குறித்த விழிப்புணர்வு ஏற்படுத்தப்பட்டது.