பெண்ணுக்கு அரிவாள் வெட்டு: வாலிபர் கைது

தூத்துக்குடி மாவட்டம், கோவில்பட்டி அருகே இனாம்மணியாச்சி இந்திரா காலனியைச் சோ்ந்த கணேசமூா்த்தி மனைவி முனியம்மாள் (40). இவருக்கும், அதே பகுதியைச் சோ்ந்த மாரிமுத்து மகனான கட்டடத் தொழிலாளி அழகேஸ் என்ற அலெக்ஸ் (22) என்பவருக்கும் இடையே முன்விரோதம் இருந்ததாம். இந்நிலையில், தனது வீட்டு முன் நின்றிருந்த முனியம்மாளை அழகேஸ் அவதூறாகப் பேசி, அரிவாளால் வெட்டியுள்ளார்.

இதைப் பாா்த்த கணேச மூா்த்தி, உறவினர் காளியம்மாள் ஆகியோா் சப்தம் போட்டதும் அழகேஸ் தப்பியோடிவிட்டாராம். இதில், காயமடைந்த முனியம்மாள் கோவில்பட்டி அரசு மருத்துவமனையில் அனுமதிக்கப்பட்டாா். புகாரின் பேரில் போலீசார் வழக்குப் பதிந்து, அழகேஸை கைது செய்தனர்.