சேலம்: 1 டன் ரேஷன் அரிசி பதுக்கிய வாலிபர் கைது

சேலம் நெய்க்காரப்பட்டி பகுதியில் எஸ் ஐ வேல்முருகன் மற்றும் போலீசார் சோதனையில் ஈடுபட்டனர். அப்போது பெரிய புதூர் பகுதியில் ஒரு வீட்டின் முன்பு ரேஷன் அரிசி பதுக்கி வைக்கப்பட்டிருந்தது தெரிந்தது. உடனே அங்கிருந்த ஒரு டன் ரேஷன் அரிசியை பறிமுதல் செய்த போலீசார் அரிசியை பதுக்கி வைத்திருந்த அதே பகுதியைச் சேர்ந்த முனியப்பன் (36) என்பவரை கைது செய்தனர். விசாரணையில் அவர் அந்த பகுதியில் குறைந்த விலையில் ரேஷன் அரிசி வாங்கி மாடு வளர்ப்பவர்களுக்கும், வெளி மாநில தொழிலாளர்களுக்கும் அதிக விலைக்கு விற்க கடத்தி வந்தது தெரியவந்தது. பின்னர் அவரை சேலம் கோர்ட்டில் ஆஜர் படுத்தி சிறையில் அடைத்தனர்.