புள்ளிமானை வேட்டையாடிய வாலிபர் கைது

சேலம் பெருமாம்பட்டியை சேர்ந்தவர் விஜய் (வயது 30). அவரது வீட்டில் மான் கறி விற்பனை செய்யப்படுவதாக மாவட்ட வன அலுவலர் கஷ்யப் சசாங்க் ரவிக்கு தகவல் கிடைத்தது.

அதன்பேரில் வனச்சரக அலுவலர் துரைமுருகன் தலைமையில் வனவர்கள் அங்கு சென்று சோதனை நடத்தினர். அப்போது அந்த வீட்டில் புள்ளிமான் கறி, கொம்பு, நாட்டுத்துப்பாக்கி இருந்தது கண்டுபிடிக்கப்பட்டது. அவற்றை வனத்துறையினர் பறிமுதல் செய்தனர். மேலும் இதுதொடர்பாக விஜயை வனத்துறையினர் தேடி வந்தனர். இந்த நிலையில் நேற்று அவரை போலீசார் கைது செய்தனர்.

அவரிடம் அதிகாரிகள் விசாரணை நடத்திய போது, அரூர் வனப்பகுதியில் புள்ளிமானை வேட்டையாடியது தெரியவந்தது. இதையடுத்து கைதான விஜயை அதிகாரிகள் சேலம் 6-வது ஜே.எம். மாஜிஸ்திரேட்டு கோர்ட்டில் ஆஜர்படுத்தி பின்னர் சிறையில் அடைத்தனர்.