மிஷின் பிளேட் திருடிய வாலிபர் கைது
சேலத்தில் மிஷின் பிளேட் திருடிய வாலிபரை போலீசார் கைது செய்தனர்.
Update: 2023-12-22 15:06 GMT
சேலம் கொண்டலாம்பட்டி அரசமரத்துக்காட்டு பகுதியில் கல்மாவு அரைக்கும் குடோன் உள்ளது. இங்கு உள்ள மிஷினின் இரும்பு பிளேட்டை கழற்றி குடோனின் வெளிப்பகுதியில் வைத்திருந்தனர். இந்நிலையில் அந்த பிளேட்டை மர்மநபர் திருடிச்சென்றுள்ளார். அதன் மதிப்பு ரூ.30ஆயிரம். இதுபற்றி கொண்டலாம்பட்டி போலீசில் புகார் அளிக்கப்பட்டது. அதன் பேரில் போலீசார் வழக்கு பதிவு செய்து விசாரித்ததில், அதேபகுதியை சேர்ந்த சுரேஷ் (28) என்பவர் பிளேட்டை திருடிச் சென்றிருப்பது தெரிந்தது. இதையடுத்து அவரை போலீசார் கைது செய்தனர்.