இளைஞர் போக்சோ வழக்கில் கைது
குமாரபாளையத்தில் மைனர் மாணவியை கடத்தி சென்ற வழக்கில் இளைஞர் போக்சோ சட்டத்தின் கீழ் கைது செய்யப்பட்டார்.
Update: 2024-02-06 02:12 GMT
சதீஷ்
நாமக்கல் மாவட்டம் குமாரபாளையம் அடுத்த வெப்படையை சேர்ந்தவர் ராஜா, டைலர். இவரது மகன் சதீஷ், (22). கூலி வேலை செய்து வருகிறார். வெப்படையில் பத்தாம் வகுப்பு படித்து கொண்டிருக்கும் மாணவியை காதலிப்பதாக ஆசை வார்த்தை கூறி, சில நாட்களுக்கு முன்பு, மாணவியை அழைத்து சென்று விட்டார். மாணவியின் தந்தை வெப்படை போலீசில் புகார் செய்தார். இந்த புகாரின் படி எஸ்.ஐ.க்கள் பாலமுருகன், மலர்விழி மற்றும் போலீசார் வழக்குப்பதிவு செய்து மாணவியை தேடி வந்தனர். வெளியூரில் இருந்த இருவரையும் கண்டு பிடித்து, வெப்படை அழைத்து வந்தனர். 15 வயதுள்ள மாணவியை ஆசை வார்த்தை கூறி ஏமாற்றியதாக போக்சோ வழக்குபதிவு செய்து சதீசை கைது செய்தனர்.