மதுரை சித்திரைத் திருவிழாவில் இளைஞர் படுகொலை:தீவிர விசாரணை

 மதுரை மாநகர் ஆழ்வார்புரம் பகுதியைச் சேர்ந்தவர் வகுத்தாலே என்ற கார்த்திக் இவருக்கு அதே பகுதியை சேர்ந்த ஒரு ( மதுமிதா) பெண்ணுடன் திருமணம் ஆகி தனியாக வாழ்ந்து வந்துள்ளார் இவர் அதே பகுதியில் லாண்டரி கடை வைத்து நடத்திவருகிறார் இந்த நிலையில் அதே பகுதியில் வசிக்கக்கூடிய சதீஷ் என்பவர் கார்த்திக்கின் மனைவியிடம் நட்பாக பேசி வந்துள்ளார்.

அவ்வப்போது செல்போனில் தொடர்பு கொண்டு பேசி வந்த நிலையில் இதனை அறிந்த கார்த்திக் சில தினங்களுக்கு முன்பாக சதிஷை நேரில் அழைத்து இனி எனது மனைவியுடன் செல்போனில் பேசக்கூடாது என எச்சரித்துள்ளார் இதனால் ஆத்திரமடைந்த சதீஷ் இன்று சித்திரை திருவிழா நடைபெறும் பகுதிக்கு வந்த கார்த்திக்கை கத்தியால் குத்தியுள்ளார்.

அப்போது கார்த்திக்குடன் இருந்த மதுரை நாராயணபுரம் பகுதியை சேர்ந்த நண்பர் சோனை முத்து என்பவர் கார்த்திக்கை காப்பாற்ற முயன்றபோது சதீஷ் கத்தியால் சோனை முத்துவின் கழுத்தில் குத்தியுள்ளார்.

இதனால் பலமான காயம் ஏற்பட்டு சம்பவ இடத்திலயே மயங்கிய நிலையில் ரத்த வெள்ளத்தில் கிடந்தார் மேலும் கார்த்திக்கும் கத்திக்குத்து ஏற்பட்ட நிலையில் அரசு ராஜாஜி மருத்துவமனைக்கு சிகிச்சைக்காக அழைத்துச் சென்றனர் இந்நிலையில் சிகிச்சை பலனின்றி சோனை முத்து உயிரிழந்த நிலையில் கார்த்திக் தற்போது தீவிர சிகிச்சை பிரிவில் அனுமதிக்கப்பட்டுள்ளார்.

இந்த கொலை வழக்கு தொடர்பாக மதுரை மாநகர ஆழ்வார்புரம் பகுதியைச் சேர்ந்த சதீஷை காவல்துறையினர் கைது செய்து தொடர்ந்து விசாரணை நடத்தி வருகின்றனர் சதீஷ் முன்விரோதம் காரணமாக கொலை செய்தாரா? வேறு ஏதேனும் காரணமா? என்பது குறித்தும் சதிஷுடன் யாரும் உடந்தையாக இருந்தார்கள் என்பது குறித்தும் காவல் துறை தீவிர விசாரணை நடத்தி வருகின்றனர் சித்திரை திருவிழாவின் போது பல்லாயிரக்கணக்கான பொதுமக்கள்,

இருந்த இடத்தில் இதுபோன்று பொது இடத்தில் கொலை சம்பவம் நடந்தது அதிர்ச்சியை ஏற்படுத்தியுள்ளது இதனிடையே விழாவில் காவல்துறை தீவிர கண்காணிப்பில் ஈடுபட்ட போது ஆயுதங்களுடன் சுற்றித்திரிந்த 20 மேற்பட்டோரை கைது செய்த செய்தது குறிப்பிடத்தக்கது