வீட்டிலிருந்து வெளியே சென்ற பட்டதாரி வாலிபர் மாயம்

கன்னியாகுமரி மாவட்டம், களியக்காவிளை அருகே உள்ள நெடுவிளை ஒற்றாமரம் பகுதியை சார்ந்தவர் ஜாண்சன். இவரது மகன் ஜெபின் ஜோஸ்.பட்டதாரியான இவர் சம்பவத்தன்று காலை ஜெபின் ஜோஸ், தனது தாயாரிடம் வெளியே சென்று வருவதாக கூறிச் சென்றுள்ளார்.

மாலை நீண்ட நேரம் ஆகியும் அவர் வீடு திரும்பாததால், நண்பர்களிடம் விசாரித்தனர். பெறறோர் மேலும் அக்கம் பக்கத்திலும், உறவினர் வீடுகளிலும் தேடினர். இதில் எந்த தகவலும் கிடைக்கவில்லை. இதனால் சந்தேகமடைந்த அவர்கள், இதுகுறித்து களியக்காவிளை போலீஸ் நிலையத்தில் புகார் கொடுத்தனர்.

அதன் அடிப்படையில் இன்ஸ்பெக்டர் சுப்புலட்சுமி வழக்குப்பதிவு இன்று செய்து விசாரணை நடத்தி வருகிறார்.பட்டதாரி வாலிபர் மாயமான சம்பவம் அந்த பகுதியில் பரபரப்பை ஏற்படுத்தியுள்ளது.