இன்று காமராஜரின் பிறந்த நாள்... அவரது சிலைக்கு தமிழக பாஜக தலைவர் அண்ணாமலை மரியாதை!!

இதுக்குறித்த அவரது டிவிட்டர் பதிவில், எளிய குடும்பப் பின்னணியில் பிறந்து, தமிழகத்தின் தொழிற்புரட்சிக்கு வித்திட்ட ஐயா காமராஜர் பிறந்த தினமான இன்று, தமிழக பாஜக சார்பாக, சென்னையில் உள்ள அவரது திருவுருவச் சிலைக்கு மாலை அணிவித்து மரியாதை செலுத்தினோம். வறுமையின் காரணமாக, ஏழை எளிய குழந்தைகளுக்கு எட்டாக் கனியாக இருந்த கல்வியை, அனைவருக்கும் பொதுவானதாக்கி, பள்ளிகளில் மதிய உணவும் வழங்கி, பள்ளிக் குழந்தைகளின் பசி போக்கிய படிக்காத மேதை.

பெரும் பதவிகள் தேடி வந்தும், அரியணைகள் மீது நாட்டமில்லாமல், பல தலைவர்களை உருவாக்கிய கிங்மேக்கர். பல அணைகள், அரசு தொழில் நிறுவனங்கள் என பெருந்தலைவரின் ஆட்சிக்காலம் தமிழகத்தின் பொற்காலம். கல்விக் கண் திறந்து, பல தலைமுறைகளை வாழ வைத்துக் கொண்டிருக்கும் கர்மவீரரைப் போற்றி வணங்குகிறோம் என்று குறிப்பிட்டுள்ளார்.