கடைசிக்கட்ட வாக்குப்பதிவு நடைபெறும் நாளான ஜூன் 1ல் இந்தியா கூட்டணி தலைவர்கள் கூட்டம்: பிரதமர் வேட்பாளர் தேர்வு குறித்து ஆலோசிக்க முடிவு

ஆம் ஆத்மி தலைவரும், டெல்லி முதல்வருமான கெஜ்ரிவால், மக்களவை தேர்தலுக்கு முன்பாக மதுபான கொள்கை முறைகேடு வழக்கில் அமலாக்கத்துறையால் கைது செய்யப்பட்டார். அவர் தற்போது ஜாமீனில் உள்ளார். கெஜ்ரிவாலின் ஜாமீன் வரும் ஜூன் 2ம் தேதியுடன் முடிவடைகிறது. இதனால், கெஜ்ரிவாலின் ஜாமீன் முடியும் முன்பாக இந்த முக்கிய ஆலோசனை கூட்டத்திற்கு ஏற்பாடு செய்யப்பட்டிருக்கிறது. மேலும் ஜூன் 1ம் தேதியுடன் மக்களவை தேர்தல் முடிவடைந்து, ஜூன் 4ம் தேதி வாக்கு எண்ணிக்கை நடக்க உள்ளது. அதற்கு முன்பாக பல்வேறு விவகாரங்கள் தொடர்பாக முக்கிய முடிவுகள் எடுக்கப்பட வேண்டியிருப்பதால் இந்தியா கூட்டணி கூட்டம் ஜூன் 1ம் தேதி கூட்டப்பட்டிருப்பது குறிப்பிடத்தக்கது.