ஜெயங்கொண்டம் அருகே பணம் கொடுக்கல் வாங்கலில் தகராறு: ஒருவர் கைது

அரியலூர் மாவட்டம் ஜெயங்கொண்டம் மேலக்குடியிருப்பு தன்னாரப்பாளையம் கிராமத்தை சேர்ந்தவர் கந்தசமி மகன் சுப்ரமணியன் (54) இவருக்கும் மேலக்குடியிருப்பு பிள்ளையார் கோவில் தெருவை சேர்ந்த கொளஞ்சி மகன் நவீன்குமார் (30) என்பவருக்கும் பணம் கொடுக்கல் வாங்கல் சம்பந்தமாக முன்விரோதம் இருந்து வந்துள்ளதாக கூறப்படுகிறது.

இது தொடர்பாக கடந்த 27 ஆம் தேதி வீட்டின் முன்பாக இருந்த சுப்பிரமணியனை நவீன்குமார் தகாத வார்த்தையால் திட்டி குச்சியால் அடித்தும் சுப்பிரமணியன் வீட்டு சுற்று சுவற்றில் இருந்த மின் விளக்கை அடித்து உடைத்து சேதப்படுத்தி மிரட்டியும் சென்றுள்ளார்.

இதுகுறித்து சுப்பிரமணியன் ஜெயங்கொண்டம் காவல் நிலையத்தில் புகார் செய்துள்ளார் புகாரின் பேரில் சப் இன்ஸ்பெக்டர் நந்தகுமார் வழக்கு பதிவு செய்து நவீன்குமாரை கைது செய்து விசாரணை செய்து வருகின்றனர்.