பேருந்தில் இருந்து விழுந்த தொழிலாளி பலி

கச்சிராயபாளையம் அடுத்த மண்மலை கிராமத்தைச் சேர்ந்தவர் பூமாலை, 41; கூலித் தொழிலாளி. கேரளாவில் பணிபுரிந்து வந்தார். திருமணமாகி 2 பெண் குழந்தைகள் உள்ளனர். நேற்று முன்தினம் இரவு 9:30 மணியளவில் கேரளா செல்வதற்காக மண்மலை பஸ் நிறுத்தம் அருகே வந்த தடம் எண்.9 என்ற அரசு பஸ்சில் பூமாலை ஏறினார். அப்போது நிலைதடுமாறி கீழே விழுந்ததில் உயிரிழந்தார். கச்சிராயபாளையம் போலீசார் வழக்குப்பதிந்து விசாரித்து வருகின்றனர்.