துப்பாக்கியுடன் வேட்டைக்கு சென்றவர்களைத் திருடர்கள் என நினைத்து போலீசில் ஒப்படைத்த கிராம மக்கள்

அரியலூர் மாவட்டம் ஜெயங்கொண்டம் அருகே உள்ள மகிமைபுரம் நரி குறவர் குடியிருப்பு பகுதியை சேர்ந்த சிவா, ராமன், புகழேந்தி ஆகியோர் லைசன்ஸ் இல்லாத துப்பாக்கியுடன் நேற்று இரவு வவ்வால் வேட்டைக்கு சென்றுள்ளனர். அப்போது பூவாயிகுளம் என்ற கிராம பகுதிக்கு இரவு நேரத்தில் வேட்டைக்கு சென்ற போது திருட வந்ததாக கூறி 3 பேரையும் கிராம மக்கள் பிடித்து ஜெயங்கொண்டம் காவல் நிலையத்தில் ஒப்படைத்தனர். இதனையடுத்து ஜெயங்கொண்டம் போலீசார் மூன்று பேரிடமும் இன்று விசாரணை மேற்கொண்டதில் உரிமம் இல்லாத துப்பாக்கியுடன் வவ்வால் வேட்டைக்கு சென்றது தெரியவந்தது. இதனையடுத்து 3 பேரையும் கைது செய்து போலீசார் விசாரணை மேற்கொண்டு வருகின்றனர்.