சேதமடைந்த சாலைகள் - பொதுமக்கள் மனக்குமுறல்

திண்டுக்கல் கே.ஆர்.நகர் குடியிருப்போர் நலச்சங்க நிர்வாகிகள் கண்ணன், முகமது தாஜ்உத்தின், உதவி தலைவர் அழகர்சாமி, செயற்குழு உறுப்பினர்கள் சிரியா செல்வராஜ், ராஜேஸ்வரி அழகர்சாமி, பொருளாளர் மீனாட்சி பழனி செல்வம் கூறியதாவது: திருச்சி ரோட்டில் உள்ள கே.ஆர்.நகர் வரவேற்பு கோபுர பிரமாண்டத்தின் முகப்பிலே ரோடுகள் பல்லிளிக்கின்றன. ரோடுகள் அமைத்து பத்து ஆண்டுகளுக்கு மேலாகியும் பாராமுகமாக உள்ளது பாலகிருஷ்ணாபுரம் ஊராட்சி நிர்வாகம். இதுபற்றி பலமுறை விண்ணப்பம், புகாரளித்தும் எள்ளளவும் பயனின்றி உள்ளது. தொடர்ந்து இந்த நிலை நீடிப்பதால் இங்கு வசிக்கும் 150 குடும்ப உறுப்பினர்களும் முதுகு தண்டுவாட பாதிப்பால் நொந்து போய் உள்ளோம்.ஊராட்சி நிர்வாகம் நடவடிக்கை எடுக்க வேண்டும் என்றனர்.