இலக்கியப் போட்டிகளில் பொன்னமராவதி அமல அன்னை மெட்ரிக் பள்ளி மாணவர்கள் சிறப்பிடம்!

பொன்னமராவதி புதுக்கோட்டை புத்தகத் திருவிழாவையொட்டி மாவட்ட நிர்வாகம் மற்றும் தமிழ்நாடு அறிவியல் இயக்கம் இணைந்து நடத்திய இலக்கியப் போட்டிகளில் பொன்னமராவதி அமல அன்னை மெட்ரிக் பள்ளி மாணவர்கள் சிறப்பிடம் பெற்றுள்ளனர். புதுக்கோட்டை புத்தகத் திருவிழாவையொட்டி பொன்னமராவதி ஒன்றிய அளவிலான பள்ளி மாணவர்களுக்கான பல்வேறு போட்டிகள் அண்மையில் பொன்னமராவதி வலம்புரி வடுகநாதன் மேல்நிலைப் பள்ளியில் நடைபெற்றது.இப்போட்டிகளில் இப்பள்ளி மாணவர்கள் பங்கேற்று சிறப்பிடம் பெற்றுள்ளனர். மாணவி ஜெ.பிரதீபா பேச்சுப் போட்டியில் முதலிடமும், மாணவர்கள் ம. பிரபஞ்சன், இரா. வசந்த் ஆகியோர் ஓவியப் போட்டிகளில் முதலிடமும், கவிதைப் போட்டியில் மாணவர் நெ. விஜய ராமானுஜம், செ. ஹரி சரண், செ. முகிலன் ஆகியோர் முதலிடம் பெற்று மாவட்ட அளவிலான போட்டியில் பங்கேற்க தகுதி பெற்றுள்ளனர். மேலும் பல மாணவர்கள் இரண்டாம் மற்றும் மூன்றாம் இடம் பிடித்துள்ளனர். வெற்றி பெற்ற மாணவர்கள், அவர்களுக்கு பயிற்றுவித்த தமிழாசிரியர்கள் கலைச்செல்வி, கு. சத்யா கு. சத்யா ஆகியோரை பள்ளியின் முதல்வர் ச.ம. மரியபுஷ்பம், துணை முதல்வர் இரா. பிரின்ஸ் ஆகியோர் பாராட்டினர்.