சேலம் மிட்டவுன் ரோட்டரி சங்கம் சார்பில் உலக தாய்ப்பால் வார விழா செவ்வாய்பேட்டை ஆரம்ப சுகாதார நிலையத்தில் நடைபெற்றது. மிட்டவுன் ரோட்டரி சங்க தலைவர் தாரை.கு.ராஜகணபதி தலைமை தாங்கினார். ஆரம்ப சுகாதார நிலைய டாக்டர் சரண்யா முன்னிலை வகித்தார். சிறப்பு அழைப்பாளராக டாக்டர் வெற்றிவேந்தன் கலந்து கொண்டு தாய்ப்பாலின் முக்கியத்துவம் குறித்து பேசினார். தொடர்ந்து கர்ப்பிணிகள் பலருக்கு ஊட்டச்சத்து பொருட்கள், ஆப்பிள், ஆரஞ்சு ஆகியவை வழங்கப்பட்டன. இந்த நிகழ்ச்சியில் கர்ப்பிணிகள், நர்சுகள், அங்கன்வாடி பணியாளர்கள் உள்பட பலர் கலந்து கொண்டனர்.