பைக்குகள் மோதிய விபத்தில் ஒருவர் பலி!

தூத்துக்குடி மாவட்டம், ஆறுமுகநேரி முத்துகிருஷ்ணாபுரம் வடக்கு தெருவை சேர்ந்தவர் சிவலிங்கம் மகன் முருகன் (59). தொழிலாளி. இவர் நேற்று காலையில் திருச்செந்தூரில் இருந்து தூத்துக்குடி மெயின்ரோட்டில் அடைக்கலாபுரம் பெட்ரோல் பங்க் அருகே சென்று கொண்டிருந்தார். அப்போது ஏரல் அருகே உள்ள தெற்கு வாழவல்லானை சேர்ந்த ஈஸ்வரமுத்து மற்றொரு மோட்டார் சைக்கிளில் எதிரே வந்து கொண்டிருந்தார். அப்போது எதிர்பாராதவிதமாக 2 மோட்டார் சைக்கிளும் நேருக்கு நேர் மோதி விபத்துக்குள்ளாகின. இந்த விபத்தில் மோட்டார் சைக்கிளில் இருந்து 2 பேரும்தூக்கி வீசப்பட்டு படுகாயம் அடைந்தனர். அக்கம் பக்கத்தினர் 2பேரையும் மீட்டு 108 ஆம்புலென்ஸ் மூலம் திருச்செந்தூர் அரசு மருத்துவமனைக்கு கொண்டு சென்றனர். அங்கு பரிசோதித்த டாக்டர் ஏற்கனவே முருகன் இறந்து விட்டதாக தெரிவித்தார். காயமடைந்த ஈஸ்வரமுத்துவுக்கு அங்கு முதலுதவி சிகிச்சைஅளிக்கப்பட்டது. பின்னர் மேல் சிகிச்சைக்காக தூத்துக்குடி அரசு மருத்துவமனையில் சேர்க்கப்பட்டு தீவிர சிகிச்சை பெற்று வருகிறார். இந்த விபத்து குறித்து திருச்செந்தூர் தாலுகா இன்ஸ்பெக்டர் சுந்தரமூர்த்தி வழக்குப்பதிவு செய்து விசாரணை நடத்தி வருகிறார்.