ஸ்கூட்டி மீது கார் மோதிய விபத்தில் பெண் பலி!

தூத்துக்குடி பிரையன்ட் நகர் 4வது தெருவைச் சேர்ந்தவர் சரவணன் மகன் சுப்பையா (55). இவர் கடந்த சில தினங்களுக்கு முன்னர் சிதம்பர நகர் மேற்கு பகுதி சாலையில் தனது நண்பரின் காரை ஓட்டிப் பழகியதாக கூறப்படுகிறது. அப்போது பிரையன்ட் நகர் 3வது தெருவைச் சேர்ந்த மாசிலாமணி மனைவி மேரி செல்வஜெயா (73) என்பவர் ஓட்டிவந்த ஸ்கூட்டி மீது கார் மோதியது. இதில் பலத்த காயம் அடைந்த செல்வ ஜெயா தூத்துக்குடி அரசு மருத்துவக் கல்லூரி மருத்துவமனையில் சிகிச்சைக்காக அனுமதிக்கப்பட்டார். அங்கு சிகிச்சை பலனின்றி நேற்று பரிதாபமாக இறந்தார். இந்த சம்பவம் குறித்து தென்பாகம் போலீஸ் இன்ஸ்பெக்டர் திருமுருகன் வழக்குப் பதிந்து, சுப்பையாவை கைது செய்து விசாரணை நடத்தி வருகிறார்.