பரமத்தி அருகே டூ வீலர்-கார் நேருக்கு நேர் மோதல். ஒருவர் படுகாயம்.

பரமத்தி அருகே டூ வீலர்-கார் நேருக்கு நேர் மோதல். ஒருவர் படுகாயம். கரூர் மாவட்டம், சின்னதாராபுரம் அருகே உள்ள சின்ன திருமங்கலம் பகுதியைச் சேர்ந்தவர் நல்லசிவம் வயது 53. இவர் தற்போது மயிலாடுதுறை மாவட்டம், காசுக்கரை வீதி பகுதியில் வசித்து வருகிறார். இவரது நண்பர் கரூர் மாவட்டம், க .பரமத்தி, மேற்கு தோட்டம் பகுதியைச் சேர்ந்த குணசேகரன் வயது 69. இந்த நிலையில் ஆகஸ்ட் 26 ஆம் தேதி மதியம் 3:30 மணி அளவில், கரூர் - கோவை சாலையில் நல்ல சிவம் தனது டூவீலரில் சென்று கொண்டிருந்தார். இவரது வாகனம் க. பரமத்தி லலிதா கார்டன் அருகே சென்றபோது, எதிர் திசையில் கோவை மாவட்டம், மயிலம்பட்டி, ராஜீவ் காந்தி நகரைச் சேர்ந்த சுதாகர் வயது 42 என்பவர் வேகமாக ஓட்டி வந்த கார், நல்லசிவம் ஓட்டிச் சென்ற டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் நல்ல சிவத்திற்கு இடது கால் முட்டியில் பலத்த காயம் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் கோவையில் உள்ள கங்கா மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த நல்ல சிவத்தின் நண்பர் குணசேகரன் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், காரை வேகமாகவும், அஜாக்கிரதையாகவும் ஓட்டி, விபத்து ஏற்படுத்திய சுதாகர் மீது வழக்கு பதிவு செய்துள்ளனர் க.பரமத்தி காவல்துறையினர்.