சீத்தப்பட்டி காலனி பிரிவு அருகே டூவீலர் மீது லாரி மோதி விபத்து. ஒருவர் படுகாயம்.

சீத்தப்பட்டி காலனி பிரிவு அருகே டூவீலர் மீது லாரி மோதி விபத்து. ஒருவர் படுகாயம். திண்டுக்கல் மாவட்டம், குஜிலியம்பாறை, R.வெள்ளோடு அருகே உள்ள வடகம்பாடி பகுதியைச் சேர்ந்தவர் ராமச்சந்திரன் வயது 48. இவர் ஆகஸ்ட் 27ஆம் தேதி இரவு 9 :45- மணி அளவில், மதுரை - கரூர் சாலையில் அவரது டூவீலரில் சென்று கொண்டு இருந்தார். இவரது வாகனம் சீதப்பட்டி காலனி பிரிவு அருகே வந்த போது, எதிர் திசையில் உத்தரபிரதேஷ் மாநிலத்தைச் சேர்ந்த ராஜ்குமார் ஷர்மா என்பவர் ஓட்டி வந்த கண்டைனர் லாரி, ராமச்சந்திரன் ஓட்டி வந்த டூவீலர் மீது நேருக்கு நேர் மோதி விபத்து ஏற்பட்டது. இந்த விபத்தில் ராமச்சந்திரனுக்கு தலை, இடது கை முட்டி, இடது கால் உள்ளிட்ட பகுதிகளில் பலத்த காயங்கள் ஏற்பட்டதால், உடனடியாக அவரை மீட்டு தனியார் ஆம்புலன்ஸ் மூலம் திருச்சியில் உள்ள அரசு மருத்துவமனையில் சிகிச்சைக்காக அனுமதித்தனர். இந்த சம்பவம் அறிந்த ராமச்சந்திரனின் மகன் ஜீவா வயது 26 என்பவர் அளித்த புகாரின் பேரில், சம்பவ இடத்துக்கு சென்று விசாரணை மேற்கொண்ட காவல்துறையினர், இது தொடர்பாக வேகமாகவும், அஜாக்கிரதையாகவும் கண்டெய்னர் லாரியை ஓட்டி விபத்து ஏற்படுத்திய ராஜ்குமார் சர்மா மீது வழக்கு பதிவு செய்துள்ளனர் அரவக்குறிச்சி காவல் துறையினர்.