கருப்பண்ணன் மாரியப்பன் கல்லூரி மாணவர்களுக்கு பாராட்டு விழா

திருப்பூர் மாவட்ட தடகள சங்கம் நடத்திய மாவட்ட அளவிலான ஜூனியர் தடகள போட்டியில் முத்தூர் கருப்பணணன் மாரியப்பன் கல்லூரி மாணவ மாணவிகள் ஓட்டப்பந்தயம், நீளம் தாண்டுதல், உயரம் தாண்டுதல் உள்ளிட்ட பல்வேறு போட்டிகளில் பதக்கங்களையும், சான்றிதழ்களையும் பெற்ற சாதனை படைத்தனர். போட்டியில் வெற்றி பெற்று சாதனை படைத்த மாணவ மாணவிகளுக்கு பாராட்டு விழா கல்லூரி வளாகத்தில் நடைபெற்றது. கல்லூரி குழு தலைவர் அய்யாதுரை  தலைமை தாங்கினார். கல்லூரி தாளாளர் மற்றும் செயலாளர் பழனிச்சாமி முன்னிலை வகித்தார். பொருளாளர் ஈஸ்வரன் வரவேற்றார். தடகள போட்டிகளில் வெற்றி பெற பயிற்சி அளித்த கல்லூரி உடற்கல்வி இயக்குனர் பூபாலன் சாதனை படைத்த இளைஞர்களை முதுகலை மாணவர்கள் சஞ்சய் சாய்ராம், கவின் குமார், ஹரிஹரசுதன், சுபாஷ், பவித்ரா, லட்சுமி சிவ ஸ்ரீ, வர்ஷினி ஆகியோர்களுக்கு சிறப்பு பரிசு கேடயம், பாராட்டு சான்றிதழ்கள் வழங்கப்பட்டது. விழாவில் கல்லூரி துணைச் செயலாளர் ஜெயம் வி.ஜி. ரமேஷ், கல்லூரி குழு உறுப்பினர்கள் வழக்கறிஞர் லிங்கேஸ்வரி குணசேகரன், பொன்னுச்சாமி, ஆறுமுகம், சண்முகவேல், இன்ஜினியர் சக்ரா முருகேசன், இன்ஜினியர் ஆனந்தன், மோகனசுந்தரம், பூபதி ராஜா, மாருதி ரமேஷ் கன்னிகா ஈஸ்வரன், ஆவண எழுத்தர் ரமேஷ் மற்றும் கல்லூரி செயற்குழு உறுப்பினர்கள் துறை தலைவர்கள் பேராசிரியர்கள் மாணவ மாணவிகள் பெற்றோர்கள் பலர் கலந்து கொண்டனர். கல்லூரி முதல்வர் காமராஜ் நன்றி கூறினார்.