காங்கேயத்தில் பழுது நீக்கும் போது கார் விழுந்து மெக்கானிக் பலி

ஈரோடு மாவட்டம் அரச்சலூர் சேர்ந்தவர் சபாபதி (வயது 30). காங்கேயம் அகஸ்திலிங்கம் பாளையத்தில் கார் ஒர்க் ஷாப் வைத்துள்ளார். இவர் நேற்று ஒர்க் ஷாப்பில் பழுது பார்க்க வந்த காரை ஜாக்கியை கொண்டு மேலே தூக்கி விட்டு காரின் கீழே படுத்துக்கொண்டு சரி செய்து கொண்டிருந்தார். அப்போது ஜாக்கின் நழுவி சபாபதி மீது கார் விழுந்தது. இதனால் அவரால் வெளியே வர முடியாமல் சிக்கித் தவித்துள்ளார்.  பின்னர் சிறிது நேரத்தில் அங்கு வந்து அக்கம் பக்கத்தினர் அவரை உடனடியாக மீட்டு காங்கேயம் அரசு தலைமை மருத்துவமனைக்கு சிகிச்சைக்காக கொண்டு சென்றனர். அங்கு பரிசோதித்த மருத்துவர் அவர் ஏற்கனவே இறந்து விட்டதாக தெரிவித்துள்ளனர். இதுகுறித்து காங்கேயம் காவல்துறை வழக்கு பதிவு செய்து விசாரணை நடத்தி வருகின்றனர்.